Parlamentu koopera ho KSMJ Portugál ba estabelesimentu STJ
DILI, 02 Abríl 2026 (TATOLI) – Parlamentu Nasionál hakarak halo kooperasaun ho Konsellu Superiór Majistratura Judisiál (KSMJ) Portugál hodi apoiu ba halo estabelesimentu Supremu Tribunál Justisa (STJ) iha Timor-Leste.
Tanba ne’e, Prezidente Parlamentu Nasionál, Maria Fernanda Lay, informa Prezidente Repúblika, José Ramos-Horta, kona-ba prosesu estabelesimentu STJ ne’ebé daudaun la’o hela.
Prezidente Parlamentu sei bá Portugal tanba simu konvite husi Prezidénsia Asembleia Repúblika no oportunidade ne’e sei hato’o nesesidade kooperasaun.
“Tanba ha’u atu bá hetan mós ho Konsellu Superiór Majistratura iha Portugál, ne’ebé ita sei hato’o apoiu sira-nia ba prosesu ida-ne’e”, nia hateten ba jornalista sira hafoin ramata sorumutu ho Xefe Estadu iha Palásiu Prezidensiál, Bairru Pite, ohin.
Lembra katak Komisáriu Rekrutamentu ba estabelesimentu STJ, José Pedro Camões, hateten komisaun propoin ona atu komunika ho KSMJ Portugál hodi haruka sira-nia ema mai Timor-Leste, ne’ebé sai hanesan júri ba rekrutamentu juís sira ne’ebé sei tuur iha Supremu Tribunál.
Notísia relevante: https://hadomi.cloud/2026/02/26/komisaun-rekrutamentu-propoin-juri-kualifikasaun-husi-portugal/
Jornalista: Nelson de Sousa
Editora: Maria Auxiliadora
